Политичките партии се согласија дека не е време за политичка кампања поради состојбата со коронавирусот, но на терен и натаму се оставаат и летоци по згради и автомобили. Во текот на денешниот ден, утрото и на пладне, очевидци тврдат дека млади лица го расфрлале материјалот на кој пишува „Праводубиец, мафија си има своја држава – Заев е виновен“.
Содржината на флаерите, на кои не пишува кој е нарачател или кој го изработил е слична со кампањата и слоганите кои ги употребува ВМРО-ДПМНЕ на своите прес-конференции. Обвинувања дека лидерот на СДСМ, Зоран Заев е правоубиец, што е испишано и на флаерот, ги кажуваше и претседателот Христијан Мицкоски на последниот протест минатиот месец. Многу често од партиската говорница на ВМРО-ДПМНЕ се употребува и слоганот „мафијата си има своја држава“, што исто така е испишано на летокот. Од друга страна, фотографијата со „Луј Витон“ чантата беше употребена на билборд на кој стеше дека нарачател е ВМРО-ДПМНЕ. Ова остава сомнеж дека флаерите се расфрлаат од активисти на ВМРО-ДПМНЕ.
Мицкоски и денес повтори дека здравјето на граѓаните за него и неговата партија е најважно. Тој рече дека не треба ПИ-АР и трка за политички поени и слава, туку носење итен пакет антикризни мерки за заштита на здравјето и бизнисот.
