Во организација на Сојузот на математичари на Македонија, во Дебар беше одржан регионален натпревар по наставниот предмет математика за ученици од средните училишта.
Натпреварот беше одржан во просториите на дебарската гимназија, а на нив учествуваа 72 ученика, од државни и приватни средни училишта од Тетово, Гостивар, Кичево, Струга, Охрид, како и домаќинот Дебар.
Најдобар резултат покажаа учениците од училиштето „Јахја Кемал“.
– Најдобар резултат меѓу учениците од прва година покажа ученичката Ангела Бошевска од Струга, во втора година Теона Николовска од Гостивар и во трета година Љиљана Михајловска исто така од Гостивар, сите три ученички од училиштето „Јахја Кемал“, додека најдобар резултат меѓу учениците од четврта година, Наум Димитревски, од СОУ„Ибрахим Темо“ од Струга, информираше Зоран Мисалевски, од Сојузот на математичари на Македонија.
Најдобрите ученици ќе учествуваат на државниот натпревар по математика.