Најавената вакцинација на лицата на над 77-годишна возраст денеска во Дебар не почна поради проблем кој настанал во системот за упатување и пријавување.
Според директорот на Општата болница со, Баки Алили, каде во службата за вакцинација требаше да почне имунизацијата против Ковид-19, се било подготвено за почеток, но проблемот настанал на релација со матичните лекари и пријавувањето, што го потврдуваат и самите матични лекари.
– Проблемот се појави со затајувањето на системот за начинот на пријавување и упатување на лицата кои беа пријавени преку електронски пат или нивните матични лекари, а се постари од 77 години. Овој проблем е веќе надминат и сега ги подготвуваме соодветните пријави за тоа, вели Африм Маќелара, матичен лекар.
Во Дебар на 30 март пристигна 88 дози од вакцината „Астра зенека“ против Ковид-19, со која ќе бидат опфатени лица од општините Дебар и Центар Жупа.