На денешната седница на Советот на министри на Босна и Херцеговина беше утврден текстот на предлог-договорот со Македонија за условите при патување на државјаните од двете земји, со што би се проширила економската соработка во областана туризмот и културата.
Во соопштението од владината седница се посочува дека на тој начин, ќе се олесни патувањето на граѓаните од Македонија и Босна и Херцеговина со преминување на границите со биометриски пасоши или со биометриска лична карта и престој во една од земјите до 90 дена во период од 180 денови.