Здружението на судии на РМ и Амбасадата на САД во Македонија, денеска во Битола ја одржаа првата регионална дискусија на тема „Судска реформа и казнена политика на судовите во Република Македонија“, во рамки на проектот „Зајакнување на улогата и независноста на судиите во Република Македонија“.
Со проектот се опфатени и ќе учествуваат 150 судии, 50 адвокати и 50 обивнители, истакна Шпенд Деваја, врховен судија во Врховниот суд на Република Македонија.
– Проектот е во функција на реформите во правосудниот систем со фокус на независноста на судиите. Проектот содржи три столба кои ќе бидат анализирани и дискутирани на работилниците во Битола, Штип, Охрид и во Гостивар. Во рамки на проектот за нас значајна е поддршката и учеството на судии од Федералниот суд во Америка, како и извештајот на Прибе во кој се дадени одредени насоки за реформи во македонското судство, рече Деваја.
Според него, добро е што во работната група за реформи во судството учествуваат и судии кои директно ќе ги застапуваат интересите на судиите и ќе бидат информирани за новите законски решенија кои токму тие ќе ги применуваат.