МВР информира дека вчера попладне во 18:35 часот во СВР Битола е пријавено дека на ул. „Козјак“ во Битола, 17-годишник од Битола, управувајќи патничко возило „даеву тико“ со битолски регистарски ознаки, удри во пешакот Е.К.(42) од Битола.
Во несреќата со тешки телесни повреди се здоби 42-годишниот пешак, констатирани во Клиничка болница Битола.
Извршен е увид од увидна екипа на СВР Битола и по извршени проверки е констатирано дека возилото го управувал пред да се стекне со право на управување со моторно возило, по добиени насоки од јавен обвинител, 17-годишникот е лишен од слобода, а возилото е одземено.
По целосно документирање на случајот, против него ќе биде поднесена соодветна пријава.
