ВМРО-НП: Поддржуваме промена на Уставот

Од:

ВМРО-Народна партија вчера учествуваше на состанокот на политичките партии застапени во Собранието на Република Северна Македонија и истакна дека во своите определби и програмски цели е за целосна интеграција на Северна Македонија во НАТО, што е патем постигнато и го докажуваме со државните активности и Северна Македонија – земја членка на Европската Унија, чиј процес е веќе започнат преку договорот за почеток на преговорите и започнатиот скрининг процес, известува ВМРО-НП.

„ВМРО-Народна партија е меѓу првите политички партии која го поддржа и гласаше „ЗА“ Европскиот предлог за почеток на преговорите со ЕУ во јули оваа година. Во овој процес поддржуваме и придонесуваме со своето дејствување за побрзо и поуспешно завршување на, во прво време скринингот, а потоа и преговорите по поглавја.

ВМРО-Народна партија активно ќе поддржи промена на Уставот во насока на пристапните преговори со ЕУ, со проширување и додавање во Уставот како на Бугарите, Хрватите и Црногорците така и на сите останати делови од народи кои ќе изразат волја и барање да бидат застапени во самиот Устав“, велат од ВМРО-НП.

„На овој начин суштински ќе докажеме дека Северна Македонија е демократска држава која ги почитува правата на народите кои се застапени и живеат во државата, а со тоа се почитуваат и Европските вредности за демократизација на општеството.

Во однос на преговарачкиот процес и скринингот кој што е во тек, ВМРО-Народна партија предлага да во сите стручни комисии, тимови и делегации кои учествуваат во скринингот, а понатаму и во преговорите по поглавја, како членови да учествуваат и стручни лица од поединечни области кои ќе бидат предложени од политичките партии.

На овој начин ќе се обезбеди и направи сеопфатен државен систем на стручни тимови кои одговорно и стручно ќе учествуваат во процесот на преговорите со ЕУ и со постигнување на конкретни резултати во своите области“, се додава во соопштението ВМРО-НП.

Би можело да ве интересира

ВМРО-НП: Остро се спротивставуваме на иницијативата за увоз на отпад за согорување како алтернативно гориво

Ана Ололовска

ВМРО-НП: Македонската влада да влезе во преговори за купување дронови од Турција

Ана Ололовска

ВМРО-НП: ВМРО-ДПМНЕ продолжува да биде носител на антибугарската хистерија во С. Македонија

Ана Ололовска

ВМРО-НП: Заклучоците што ги гледа сега македонската јавност се договорени пред повеќе од две години

Ана Ололовска

ВМРО-НП предлага: На прославите на Илинден во Крушево да нема политички говори

Горан Наумовски

ВМРО-НП: Јасно е дека Бугарија има дозволено на ЕУ со нас да комуницира на македонски јазик што е огромна победа

Ана Ололовска