ВМРО-НП: Ги поддржуваме мерките, но одлуката за полициски час од 16:00 има одредени слабости

Од:

ВМРО-Народна партија вели дека во принцип ги поддржува заложбите за порестриктивни мерки во борбата со корона вирусот – КОВИД-19, но во исто време и го задржува правото да биде критична за што поуспешно справување и остварување на заедничката цел.

„Сметаме дека одлуката за уште порестриктивен полициски час кој ќе почнува од 16:00 часот си има одредени слабости:

Прво, во контекст на борбата, скратувајќи го времето на граѓаните да можат да ги извршуваат своите елементарни обврски (банка, маректи, аптека) се создаваат поголеми метежи, а на тој начин се отвора поголема опасност од ширење на заразата.

Второ, економскиот, а воедно и општествениот живот во државата каде времето е многу нерационално избрано, така што за огромен број на работни луѓе ќе мора да се кратат смени и работното време, а да не зборуваме каков удар ќе биде тоа за земјоделците и сточарите чија работа воопшто не зависи од работно време“, велат од ВМРО-НП.

„За жал мораме да констатираме дека и покрај досегашните рестриктивни мерки, какви-такви, автобусите на јавните превозници но и халите на фабриките се преполни со луѓе и работници.

Затоа ВМРО-Народна партија смета дека почетокот на полицискиот час од 16:00 часот е многу рестриктивен период за кој не знаеме какви ефекти ќе донесе но дека сигурно ќе може да го наруши основниот економски ритам на животот.

ВМРО-Народна партија ја обновува својата идеја дека е подобро да запре функционирањето на целата држава во рок од две недели со работа, па ако треба истата мерка да се продолжи за една недела тотален карантин, со што сигурно би имало поголем ефект отколку сегашната рестриктивна мерка“, соопштуваат од ВМРО-НП.

Би можело да ве интересира

ВМРО-НП: Мерките за влез и излез од државата се апсурдни, побезбедно е да се оди во Тирана отколку во Чаир

Ана Ололовска

ВМРО-НП: Додека сите држави ги пополнуваат и последните цистерни со нафта, од нашата држава нема акција

Ана Ололовска

ВМРО-НП: Министрите да ги исплаќаат долговите кон фирмите за економијата да не застане

ВМРО-НП: Македонија успеа да го одржи зацртаниот правец да ги заокружи стратешките заложби

Ана Ололовска

ВМРО-НП: Од следните редовни парламентарни избори да се модификува концептот на техничка влада

Ана Ололовска

ВМРО-НП: Да се прекине со бадникарските огнови – традиција која нема ништо општо со христијанските обичаи

Ана Ололовска