„Како што инспекторите во УЈП им даваат квоти колку казни треба да изречат во текот на неделата, како што на сообраќајните полицајци им поставуваат норма на казни, така и раководството на ВМРО-ДПМНЕ има поставено квота колку функционери во секој град треба да бидат сменети“, рече потпаролот на ВМРО-Народна Ване Цветанов.
Според информации на партијата масовната цел на новиот бран биле луѓето кои досега покажале блискост и коректност во односите со членови на ВМРО-Народна Партија или пак покажале непослушност кон некои надредени раководители.
Потпаролот Цветанов, потенцира дека голем дел од промените останале само во соопштенијата низ медиумите додека во реалноста не било ништо реализирано.