ВМРО-ДПМНЕ реагира на соопштението на ЛДП. Еве што стои во соопштението:
ЛДП е безличен привезок на СДСМ/Сорос и дел од деструктивната мрежа која беше поразена на изборите. ЛДП е без компас и концепт и се активира само на копче од Бихаќка.
Потребата за екстерно тестирање е препознаена уште во периодот кога СДСМ и ЛДП беа на власт, односно во рамките на Националната програма за развој на образованието во Република Македонија 2005-2015.
Моделот на екстерно тестирање кој што се применува од оваа учебна година е значително унапреден согласно конструктивните сугестии и предлози, па така меѓу останатите новини, оценките кои ќе ги добиваат учениците нема да влијаат на општиот успех. Тие наместо во ученичкото свидетелство, ќе се впишуваат во негов додаток и ќе бидат еден од критериумите кои ќе обезбедуваат предност при упис во средно училиште, односно на факултет, а учениците од четврто и петто одделение нема да бидат дел од тестирањето.
Очигледно за ЛДП, исто како и за СДСМ воведувањето на било какви реформи меѓу кои и образовните се неприфатливи, со оглед на тоа што во минатото кога имале можност да управуваат со институциите биле преокупирани исклучиво со криминалниот процес на приватизација.