ВМРО-ДПМНЕ закажа протест за 18 јуни во Скопје

Од:

Извршниот комитет на ВМРО-ДПМНЕ донесе одлука да се организира голем сенароден протест во Скопје закажан за 18 јуни. Тимчо Муцунски, потпретседател на партијата вели дека има отсуство за демократски капацитет на Владата. На прес-конференцијата не беа споделени детали каде ќе се одржи протестот и за колку часот е закажан. Според Муцунски, Владата не знае да реагира и да ги решава кризите.

„Се согласивме од неопходност за организирање на голем народен протест на 18 јуни. Извршниот комитет одлучи да продолжи активната блокада во Собранието, а ја оставаме отворена вратата за дополнителни чекори. Остануваме со подадена рака за напатениот народ. Молкот не е опција, протест за промени и подобар живот. Основата причина за одлуката е отсуството на било каква подготвеност на премиерот за вообичаен политички дијалог со опозицијата“, рече потпретседателот Тимчо Муцунски.

Тој додаде дека не се исклучува можноста за дополнителни чекори.

„Владата не покажа способност за соочување со финансиската криза која го собори стандардот на граѓаните, јавниот долг се зголеми, странските инвестиции се на ниско ниво, неефикасната и неодговорна дипломатија не ги исполни условите за преговори со ЕУ. Реформите на партизираната и неефикасната администрација се во целосен застој, нетранспарентноста и високиот степен на корупција се суштинска пречка за враќање на довербата на граѓаните во институциите“, додаде Муцунски.

Тој ги спомена и инцидентите како автобуската несреќа кај Ласкарци, изгорената монтажна болница во Тетово, автобуската несреќа во Бугарија за кои посочи дека нема никаков вид одговорност.

Би можело да ве интересира

ВМРО-ДПМНЕ: Ковачевски мора да понесе одговорност и да поднесе оставка

Ана Ололовска

(ВИДЕО) Ковачки: Ковачевски и Османи шест месеци го преговарале последниот предлог со кој се бугаризира Македонија

СДСМ: ВМРО-ДПМНЕ одработува за странски интереси кои не ѝ мислат добро на државата

(ВИДЕО) Митева: СДСМ гласаше против предлогот на ССМ за зголемување на платите на работниците

Ана Ололовска

Томовски: Предлогот од Париз владата го прифаќа, а ВМРО-ДПМНЕ не го прифаќа

Ана Ололовска

ВМРО-ДПМНЕ: Пратениците на СДСМ гласаа против зголемување на платите во јавниот сектор, а одобруваат пари за златни прибори во влада

Ана Ололовска