„Заев ја злоупотребува постапката со европско знаменце за да го краде народот преку зголемување на цената на бензините.
Заев сака на мала врата да го протурка кризниот данок од 4.13 денари на секој литар гориво преку користење на таканаречената собраниска постапка со европско знаменце, со што се скратува можноста за дебата во собранието“, велат ВМРО-ДПМНЕ.
„Заев знае дека во редовна постапка ВМРО-ДПМНЕ ќе направи се за да ја блокира оваа штетна политика која годишно ќе значи 54 милиони евра помалку во џебовите на народот и сметките на фирмите.
Злоупотребата на европското знаменце ја девалвира и самата постапка и нејзината намена, но и е анти ЕУ чекор.
Заев со кризниот данок удира по земјоделците, транспортерите, мелничарите, таксистите, Заев удира по народот.
Повикуваме на разум и Заев да го повлече законот за воведување на кризниот данок.
Исто така напоменуваме дека било кој штетен закон ќе биде ревидиран по доаѓањето на ВМРО-ДПМНЕ на власт. Македонија за сите луѓе!“, соопштува ВМРО-ДПМНЕ.