Трагично е да се види и прочита соопштението на СДСМ во кое нема ниту збор осуда и барање за оставка за нивниот градоначалник на Општина Шуто Оризари, Курто Дудуш кој што е сериозно вмешан во скандал за бесправно лишување од слобода, измачување, тепање и навредување на граѓанин, реагира ВМРО-ДПМНЕ на соопштението на СДСМ, кое се однесуваше на прес конференцијата на Димитар Димовски, член на ИК на ВМРО-ДПМНЕ.
„Ова само го потврдува фактот дека Зоран Заев и СДСМ се главни поттикнувачи и одобрувачи на насилството, самоволието и беззаконието кое што го спроведуваат нивните пулени и функционери.
Два дена поминаа, а ниту СДСМ, ниту Зоран Заев не побараа оставка од нивниот градоначалник Дудуш, иако ова не е негов прв скандал.
Криминалот и насилството врз граѓани и шерифлукот кој СДСМ го манифестира не се европски вредности и заради сето ова Македонија е се
подалеку од Европската Унија и нејзините принципи на владеење на правото.“, се наведува во реакцијата на партијата.