„Со денес објавените мерки, Заев и Филипче признаа дека свесно одеа на жртвување човечки животи за да реализираат неточен попис, иако знаеја дека состојбата е алармантна и дека одредени мерки требаше да се преземат многу порано,“ изјави денеска пратеникот на ВМРО-ДПМНЕ Миле Лефков во реакцијата на партијата на новововедените рестриктивни мерки за заштита од коронавирусот.
Еве ја во целост изјавата на Лефков:
„Паднаа во вода сите нивни тврдења дека состојбата е под контрола, дека системот е добро организиран и дека нема потреба од нови мерки, како што изјавуваа пред само една недела.
Ова е уште еден доказ дека неспособната и криминогена власт директно ги загрозува животите на граѓаните на Република Македонија.
Последни сме во процесот на вакцинација, а први на листите на смртност. Состојбата ескалира со недели, но истата беше игнорирана за да може да го спроведат лажниот попис.
За свесното жртвување човечки животи заради политика и политизација мора да има одговорност. Граѓаните гледаат се повеќе и повеќе со какви некадарници си имаат работа.
Секоја измината минута во која животите на граѓаните зависат од ваква неспособна и криминогена власт носи ризик за животите на сите нас,“ рече пратеникот на ВМРО-ДПМНЕ.