Зоран Заев вторпат ги наруши односите на Република Македонија со Израел, вели опозициската ВМРО-ДПМНЕ преку соопштение.
„Заев ја посрамоти државата и го нарече најгрозоморниот настан во историјата на човештвото – холокаустот – еврејска традиција. Власта не успеа да го скрие срамот. Медиумите од целиот регион експресно ја пренесоа веста и Република Македонија повторно беше најактуелна тема, но за потсмев и срам. Заев вторпат ги наруши односите со Израел и ги навреди Евреите кога уште во 2015 година се фалеше дека остварил средба со израелскиот вицепремиер Шалом и разговарал за безбедносно-финансиски прашања, па веднаш по тоа, беше експресно демантиран“, нагласува ВМРО-ДПМНЕ.
Опозицијата додава дека Заев ги нарушува односите со стратешките партнери и го загрозува угледот на земјата.