ВМРО-ДПМНЕ: Спасовски мора да си замине од функцијата 

Од:

Оливер Спасовски мора да си замине од функцијата. Неговата неспособност граѓаните ја плаќаат со сопствените животи, а неговата соработка со криминалците ја парализираат полицијата и овозможуваат убијци и насилници да се шетаат слободно, велат од опозициската ВМРО-ДПМНЕ преку соопштение.

„Во неговиот мандат, први соработници рекетираа и оддаваа посебни истражни мерки, а сега продолжуваат неказнето да работат. Во неговиот мандат полициски службеници малтретираа и палеа луѓе. Во неговиот мандат полициски службеници пукаа на млади момчиња и се пресметуваа меѓу себе. Во неговиот мандат владее тотален хаос во МВР, а убијци се шетаат на слобода.

На слобода е убиецот на Мартин Јанушев. На слобода се сторителите на двојното убиство среде Скопје. Нерасчитени се стотици други убиства, разбојништва, грабежи и насилства. МВР стана синоним за криминал. Преку МВР на сомнителен начин се доделија лиценците за извршување возачки испити на територија на цела држава на фирми регистрирани непосредно пред да биде објавен огласот. Бизнис тежок стотици илјади евра заврши кај лични пријатели на врхушката на власт.

Оливер Спасовски мора да си замине – граѓаните заслужуваат безбедност и држава во која власта е чувар на јавниот ред и мир, а не загрозувачки фактор на истиот“, стои во партиското соопштение.

Би можело да ве интересира

ВМРО-ДПМНЕ: Изборниот крах на СДС е политичка казна за елитизмот и одлепеноста од народот

Полициска акција во Скопје, се прават претреси поради лихварство и перење пари

Катерина Ѓуровски

Муцунски: Очекуваме голема победа, поголема од таа на локалните избори во 2021 година

Горан Наумовски

МВР: Во Прилеп уапсени се две лица поради „поткуп при избори и гласање“

МВР апелира до сите граѓани и до политичките партии, да придонесат за мирна и демократска атмосфера

Горан Наумовски

МВР со дронови ќе го надлегува гласањето в недела