ВМРО ДПМНЕ: Согласно позитивно-правните прописи, пратениците не земаат екстра дневници

Од:

Политичката партија ВМРО ДПМНЕ преку соопштение до јавноста побара исправка на податоците презентирани во емисијата Скен: “Клати врата -земај плата“.

dobivaj vesti na viber

Соопштението на ВМРО-ДПМНЕ, го пренесуваме во целост:

„Ви испраќаме информација за исправка на податоците кои ги презентиравте во емисијата Скен: “Клати врата -земај плата“, објавена на вашата интернет страница и на вашиот канал на Youtube.

Како прво, би сакале да ги исправиме наводите:

“…за работата во работните групи, нели, пратениците земаат екстра дневници…“(4:18). Согласно позитивно-правните прописи, пратениците не земаат екстра дневници.

Како второ, од податоците кои се презентираат, може да се заклучи дека станува збор за извештај јули-декември 2021 година. Во наведениов извештај пратеникот Александар Велјановски има 4 говори на пленарни седници и 6 реплики. Има поднесено вкупно 425 амандмани и 23 предлог закони и други акти.

За последните 6 месеци Собранието сеуште ги нема објавено официјалните податоци, а во овој период истиот пратеник има повеќе од 6 говори на пленарни седници и најмалку десетина на работни тела.

Во делот од емисијата, посветен на пратенички прашања, сакаме да ве информираме дека листата со пратеници кои сакаат да постават пратенички прашања се доставува 24 часа пред почетокот на седницата. За жал, поради динамиката на водење на седниците, до сега никогаш не се случило сите заинтересирани пратеници, наведени на листата, да стигнат на ред, за да постават прашање.

Бројот на пратеници кои сакаат да постават пратеничко прашање е неколкукратно повисок од презентираните.

Ја поздравуваме вашата иницијативата за следење на работата на Собранието, а во насока на правилно информирање и презентирање на точни и вистинити информации во јавноста, се надеваме дека ќе најдете најсоодветен начин информациите кои ги презентиравте да бидат исправени, со цел да бидат навистина објективни и непристрасни“, велат од ВМРО ДПМНЕ.

Би можело да ве интересира

(ВИДЕО) Петрушевски: Новиот документ од Бугарија со понижувања за Македонија

ВМРО-ДПМНЕ: Јавноста очекува оставка на скафандер министерката за култура

Горан Наумовски

ВМРО-ДПМНЕ: Институциите задолжени за борба со криминалот ги кршат законите

ВМРО-ДПМНЕ: Ковачевски го навреди народот, за него да се слушне народот на референдум е одење чекор назад

ВМРО-ДПМНЕ: Ковачевски бегајќи од референдум го игнорира народот

Кузеска: ВМРО-ДПМНЕ и Мицкоски свесно погазија по идеалите на Илинден

А1он