„Деновиве низ електронските медиуми излегоа непристојни слики од Директорот на Кумановската Гимназија „Гоце Делчев“. Ескплицитната содржината е навистина запрепастувачка и бара итно да се превземат мерки против него без разлика што истиот е кадар поставен од градоначалникот Зоран Дамјановски од СДСМ. Целата јавност е загрозена од тоа што го виде.
Родителите се во шок и загрижени за своите деца, каде тие се воспитуваат и кој нив ги образува. Никому не приличи вакво однесување, а најмалку на педагог, и човек кој раководи со една образовна установа. Ги повикуваме надлежните државни институции да ги истражат наводите за ваков случај, и доколку се покажат како точни да спроведат санкции. Ги повикуваме и невладините организации кои ги штитат правата на децата да реагираат на ваквите појави.
Надлежниот народен правобранител и првата детска амбасада мора да реагираат кога директор на едно училиште на социјалните мрежи објавува материјали со експлицитни сексуални содржини. Кумановската и целокупната македонска јавност се згрозени и оправдано поставуваат прашања:
Што се случува во кумановската гимназија?
Дали овие фотографии и снимки биле испраќани до некого и дали истите стигнале и до учениците во гимназијата?
Каква реформа во образованието СДСМ сака да спроведува и дали кумановската гимназија треба да биде урнек?
Јавноста мора да знае. Институциите мора да реагираат. Не смее да се дозволи сомнеж дека со установа која има просветна и педагошка улога раководи човек кој се слика гол и потоа истите слики ги пушта на интернет“ изјави Светлана Колариќ од ВМРО-ДПМНЕ на денешната прес конференција.