Од пратеничката група на ВМРО-ДПМНЕ сметаат дека градоначалникот на Скопје, Петре Шилегов продолжува да го превработува градот преку претпријатието Комунална хигиена со склучување на нов договор за привремени вработувања во износ од 9 милиони денари, односно 150 илјади евра.
„Овие вработувања се партиски во пресрет на изборите и ова претставува злоупотреба на состојбата за Шилегов наместо да го помогне градот, ја помага партијата. Вчера објавивме дека за партиски вработувања во Дрисла ќе потроши 8.6
милиони денари или 140 илјади евра. Само преку Дрисла и Комунална хигиена за нови партиски вработувања Шилегов ќе потроши речиси 300 илјади евра. Ова се вика изборен поткуп и злоупотреба на парите на скопјани со кој располага
Шилегов. Нема објаснувања за зголемен обем на работа ниту на кој начин ги оправдува ваквите трошења за партиски вработувања“, додава пратеничката група на ВМРО-ДПМНЕ.