ВМРО-ДПМНЕ: СДСМ со судовите сака да го направи тоа што го направи со СЈО, да ги претвори во партиска алатка

Од:

СДСМ со судовите сака да го направи тоа што го направи со СЈО, да ги претвори во партиска алатка која ќе ја води и помага нивната политика, изјави Зоран Илиоски, член на ИК на ВМРО-ДПМНЕ.

– Владата на Заев подготви таканаречен совет за реформи во судството во кој го вклучи Љубомир Фрчкоски. Истиот тој беше министер и еден од најактивните политички функционери што го туркаа срамниот политички реизбор на преку 600 судии за само неколку минути. Во советот на СДС свое место си најде и нивната претседателка на советот за политички систем Маргарита Цаца Николовска, но и Мирјана Најческа и Гордан Калајџиев кои се истакнаа со фрлањето балони со боја и нанесувањето штета на државните институции. Ги вдомија и Наташа Габер Николовска, Беса Арифи и слични ликови кои целиот изминат период глумеа професионални и независни експерти, изјави Илиоски.

СДСМ, продолжи тој, и должи одговор на јавноста зошто меѓу професионалците кои се вклучуваат во советот за реформи ги нема токму луѓето кои се на раководни позиции во најголемите судови, како и претседателот на Врховниот суд.

– Овој Совет ќе го погази начелото за самостојност на судската власт. Се уште јавноста памети како СДС во 1996 година во само една ноќ именуваше со траен мандат над 600 судии во сите судови ширум Македонија. Изборот на вакво тело со ваков состав и генералниот реизбор на судии претставува класичен притисок врз судството со цел да вршат неоснован прогон на што е можно повеќе функционери од ВМРО-ДПМНЕ, изјави Илиоски.

Судската власт, нагласи тој, е независна од политиката и за тоа придонесоа голем број реформи кои изминатите години се правеа во таа насока со помош на нашите партнери и експерти од Европската Унија.

– Очекуваме Европската Унија да има конзистентен став и да се спротивстави на генерален реизбор на судиите исто како што се спротивставувала во такви случаи во други земји. Дополнителна причина за спречување на едно вакво погубно сценарио кое го подготвува Зоран Заев е да не се погази тоа што досега Европската Унија и Македонија заедно го постигнаа во полето на реформите во целиот правосуден систем и неговата независност и отпорност кон политиката, изјави Илиоски.

Би можело да ве интересира

ВМРО-ДПМНЕ повикува на заедништво и обединување во борбата против власта

Катерина Павлова-Николовска

Стоилковски: Универзална сала на Шилегов не работи, а изнајмува опрема за над 100.000 евра

ВМРО-ДПМНЕ: Заев три пати лаже дека ја разбрал пораката

ВМРО-ДПМНЕ: Шилегов во нервоза поради поразот почна да измислува и самопоканува во емисии кои никогаш не биле предвидени за дебата

Ана Ололовска

Стоилковски: Шилегов не мисли на Скопје, туку на јадење и пиење на буџетски трошок

Ана Ололовска

Митева: Кандидатот за градоначалник на СДСМ за Ново Село Звонко Ангелов вршел притисок и се заканувал на самохрана мајка

Ана Ололовска