„СДСМ се неспособни да го решат проблемот со загадениот воздух. Токму затоа се уште се служат со лажни ветувања и манипулации наместо навистина да се зафатат со намалување на аерозагадувањето.
Две години после ветувањето на СДСМ за итни мерки за почист воздух, не е спроведена ниту една мерка. Како резултат на нивните лаги државата е најзагадена во Европа, а Скопје секојдневно е во десетте најзагадени градови во светот.
Светска банка потврди дека заради енормно загадениот воздух во Република Македонија, на годишно ниво се регистрирани 1.350 смртни случаи.
Додека граѓаните ги полнат болниците и ги губат своите животи како последица од загадувањето на воздух, на власта око не и трепнува. Петре Шилегов си игра игри на телефон, а Јани Макрадули спие во Собрание за време на дебата за решавање на проблемот со загадувањето.
Ветуваат нови автобуси, а не се способни ни постојните да ги одржуваат па затоа секој четврти двокатен автобус скапува во гаражите на ЈСП. А за да покажат дека има помалку загадени денови, ги исклучија половина од мерните станици и абер немаат повторно да ги стават во употреба.
Лагите на СДСМ повеќе не поминуваат кај граѓаните на Република Македонија. Граѓаните се уверија дека СДСМ ниту се способни, а ниту имаат намера да го решат проблемот со загадувањето. Токму затоа за многу брзо граѓаните ќе ги казнат СДСМ за сите црнила кои и ги нанесоа на Македонија“, се вели во реакцијата на ВМРО-ДПМНЕ на соопштението на СДСМ.