Продолжува очајното лицемерие на СДСМ. Влегуваат од срам во срам со своите некрофилски тактики, манипулирајќи со судбината на граѓаните на кои им е најтешко во моментов, велат од ВМРО-ДПМНЕ по прес конференцијата на Дамјан Манчевски.
„Јавноста денеска дозна дека советниците на СДСМ во февруари 2016 година на седница на Советот на Општина Гази Баба барале да не се субвенционира чистењето на одводните канали во општината и не гласале за одлуката. Пред камери глумат загриженост и хуманост, а позади камерите СДСМ гласа против помош на граѓаните. Врв на очајот и лицемерието на Бихаќка.
Ваквото срамно политичко профитерство за чиј интерес работат Фабриките за афери на СДСМ не проаѓа меѓу граѓаните. Никој не им верува на СДСМ. Жителите на поплавените региони и сите волонтери добро знаат дека сите институции се 24 часа на терен, состојбата се подобрува, а авансната исплата ќе биде дел од помошта која овие жители ќе ја добијат.
За погодените во поплавените региони ќе има обештетување од 100%.
СДСМ во очајна безидејност се обидува со најдолни манипулации наместо да им помага на граѓаните и да ги злоупотребува. Од ваквите постапки на СДСМ се срамат сите граѓани на Македонија.
Сметката за некрофилството на СДСМ ќе им биде доставена на првите наредни избори на кои ќе соберат храброст да излезат и да се соочат очи во очи со граѓаните, а не да бегаат безглаво од избори како досега“, стои во реакцијата на ВМРО-ДПМНЕ.