Од опозициската ВМРО ДПМНЕ реагираат на денешната прес конференција на Костадин Костадинов од СДСМ.
„Аматеризмот на власта и економската неукост која ја имаат предизвика 140.000 граѓани да останат времено без работа. Над половина од работниците во угостителството останаа без своите работни места. Таканаречената помош која ја нудат за надомест во делот на плати не е доволна компаниите, ниту да ги подмират сметките за вода и струја, а не пак нешто посериозно да направат. Трошоците на фирмите се огромни, а помошта на владата ја сфаќаат како поигрување со нивната тешка состојба. Потребни се реални мерки, а не мерки кои не може да ги искористи никој, освен пар олигарси блиски до СДСМ“, пишува во соопштението од ВМРО ДПМНЕ.