„Ако зборуваме за скандали, тогаш скандал без преседан е вадењето на Зоран Заев од притвор со аболиција, осомничен за криминал од 8 милиони евра. Скандал без преседан е делењето на стотици тендери на роднините на Зоран Заев и пратениците на СДСМ.
Не е скандал ако некој со монтажи и манипулации е наклеветен и ако истиот за тоа покрене судска постапка за да ја докаже невиноста. И Зоран Заев имаше можност да ја докаже невиноста на суд, ама одбра аболиција. Тоа е вистинскиот скандал.
СДСМ е партијата што го измисли организираниот криминал и корупција во Македонија и нема никакво право и кредибилитет сега да зборува макар и за вакви измислици и глупости.
Да се потсетиме на случаите на разграбување на општествениот капитал во време на криминалната приватизација, кршењето на ембаргото и шверц со нафта и цигари под закрила на функционерите на СДСМ, милиониските тендери со стентови, Бачило 1, Бачило 2, Бачило3 и уште многу други слични корупциски скандали во време на владеењето на СДСМ.
Криминалниот двоец на СДСМ, Зоран Заев и Радмила Шеќеринска се најдобрите ученици на Бранко Црвенковски, кои испитите кај бардот на криминалната приватизација ги положувале со 10-ка.
Такви криминалци и хохштаплери од типот на Зоран Заев и Радмила Шекеринска нема ни во поширокиот регион. А пак портпаролот на СДСМ Петре Шилегов е на ниво на калфа, кој во моментов се докажува со своите куќи, коли и станот купени со минималната плата на која е пријавена неговата сопруга“, се вели во реакцијата на ВМРО-ДПМНЕ на соопштението на СДСМ.