Централната комисија за здравство на ВМРО-ДПМНЕ организира крводарителска акција во знак на поддршка за, како што велат од партијата, притворените патриоти, меѓу кои се и др. Сашо Василевски и др. Љубен Арнаудов кои се членови во комисијата.
„Даваме поддршка за сите притворени и сметаме дека е ова уште еден обид на владата предводена од Зоран Заев на овој начин да ги прикрие своите неспособности за носење на живот и реформи во Македонија. Конкретен пример е и токму министерството за здравство кое веќе 4 месеци е без назначен министер. Наместо конечно да се зафатат со реализација на проект, тие притвораат лекари, притвораат уметници, притвораат патриоти“, велат од партијата.
Денешната акција ќе трае до 17 часот во просториите на „Даре Џамбаз“.
