Главниот обвинител Коцевски да си даде оставка, секој поминат ден на позиција му измеќарува на СДС. Одамна главниот обвинител Коцевски нема кредибилитет во очите на народот, а сега кога СДС јавно застана да го брани во Собрание, му го уништи и тој кредибилитет што некогаш го имал, вели пратеникот на ВМРО-ДПМНЕ Бране Петрушевски.
– СДС го разголи главниот обвинител Коцевски. Совршено е јасно чии насоки до сега извршувал, и зошто постапките против функционери на СДС се таму каде што се. Главниот обвинител Коцевски очигледно е целосно препуштен во прегратките на СДС, и таквиот однос, не само што не му пречеше, туку и го зема како последна сламка за спас. Да имаше главниот обвинител Коцевски грам морал, тој немаше да чека СДС да го брани и ќе си поднесеше сам оставка. Игнорирањето на мизерните 2% доверба од народот и интерпелацијата во Собрание, е јасен показател дека главниот обвинител Коцевски има друг приоритети, а тоа е да служи како гума за спасување на дел од функционерите од СДС блиски до Филипче и Заев од кривична одговорност за криминалите кои ги правеле. Доблест не може да се очекува од Коцевски, само чисто калкулантство и политичко профитерство, рече Коцевски.
Пред неколку дена, премиерот Христијан Мицкоски посочи дека владата не може да ја прдоолжи постапката за разрешување на Коцевски поради тоа што ќе бидат распишани изборите. И ако поднесе оставка, повторно ќе не може да има постапка за избор од истата причина, нагласи премиерот.