ВМРО-ДПМНЕ: Павле Богоевски, Ивана Туфекџиќ и Лидија Димова докажуваат дека СДСМ и Сорос се едно

Од:

„Павле Богоевски, Ивана Туфекџиќ и Лидија Димова се само дел од послушниците на аболицираниот криминалец Зоран Заев кои докажуваат дека СДСМ и Сорос се едно кога станува збор за форсирање на антидржавната агенда.

Тие се наследниците на Милчин кој нема никаков проблем да седи во највисоките раководни тела на СДСМ, а себе си да се претставува како неутрален и објективен дел од граѓанскиот сектор.

Ваквите ликови еден ден се обидуваат да ја лажат јавноста дека се некакви борци за слобода и демократија, а другиот ден мрдаат со опашките чекајќи Зоран Заев да ги помилува.

Јасно е како бел ден дека нивните платенички револуции или пленуми, исто како и нивните невладини организации не ги интересира ниту граѓанското општество, ниту просперитетот на државата.

Ги интересираат само нивните банкарски сметки и функциите кои може да им ги подари аболицираниот криминалец Зоран Заев.

Затоа се подготвени да напаѓаат и повредуваат полициски службеници, да палат, демолираат и уништуваат.

Ваквите ликови не се граѓански сектор и не може да ги застапуваат интересите на граѓаните. На Македонија и треба вистински невладин сектор кој ќе ги препознае потребите на граѓаните и вистински ќе се бори за нив.

На Македонија не и требаат платеници кои заради нечија политичка агенда ќе спроведуваат валкани насилни кампањи.

Токму затоа е неопходен процесот на десоросоизација на македонското општество“, се вели во соопштението на ВМРО-ДПМНЕ.

Би можело да ве интересира

ВМРО-ДПМНЕ обвини дека уапсениот за подметнување пожар е шофер на Заев: Возеше инспектори, не сум го видел од 2016 одговара екс премиерот

СДСМ: На Скопје не му требаат рецилираните споменици од времето на режимот

СДСМ: Не глумете опозиција, објавете имиња или во спротивно сте соучесници во палењето

(ВИДЕО) Милевски: Борко да си поднесе оставка за резил олимпијадата, Македонија е посрамотена пред цел свет

СДСМ: Поради неспособност на ВМРО-ДПМНЕ ќе ни изгори државата

Горан Наумовски

СДСМ: Дали корупцијата е главен мотив за предавство на националните интереси со „Казанџи Холдинг“?