Елена Трајчевска од ВМРО-ДПМНЕ денеска на прес-конференција изјави дека на следната седница Советот на Општина Битола, на дневен ред меѓу останатите точки се и завршните сметки на училиштата во Битола. Според неа, за очекување е дека новата локална самоуправа повторно да настапи во досегашниот стил, барајќи алиби, како што кажа, за својата неспособност и обид за прикривање на пропустите во секторот образование.
– Досега бевме сведоци на непотизам од највисок ред потоа незаконски отпуштања на над 70 вработени како наставен кадар, административен и помошно технички персонал, за денес да сме сведоци на незаконско постапување, бидејќи во две средни училишта Горната гимназија и Медицинското училиште, градоначалничката остави без превоз повеќе од 500 ученици, превоз кој што им е гарантиран со закон и остава простор за кривична одговорност, бидејќи законите за средно и основно образование на тоа обврзуваат. Ги повикуваме институциите надлежни за утврдување на кривична одговорност по допрен глас да реагираат и да проверат зошто градоначалничката Петровска незаконски се однесува, заедно со нејзините директори, кон законската обврска за бесплатен превоз на учениците, рече Трајчевска.