(ВИДЕО) ВМРО-ДПМНЕ на протести против поскапувањето на струјата: Се бара оставка од Регулаторната комисија за енергетика

Од:

ВМРО-ДПМНЕ, вечерва по трет пат го подигна гласот за против одлуката на Регулаторната комисија за енергетика, за поскапување на струјата за 7,4 проценти.

Генералниот секретар на ВМРО-ДПМНЕ, вечерва пред седиштето на РКЕ во центарот на Скопје, изјави дека Македонија е единствена земја која во услови на здравствена и економска криза ја поскапува струјата за 7,4 проценти со што директно удира врз стандардот на граѓаните.

– Очигледно власта е глува на проблемите и барањата на народот. Исто како и владата, така се однесува и Регулаторната комисија која со денови одбегнува да одговори и на ВМРО-ДПМНЕ, но и на граѓаните за ова нерационална одлука. Регулаторната комисија е само обична маша во раце на власта на Заев. Тоа што Заев го бара од нив тие само слепо го реализираат а целта е јасна, да се покрие недомаќинското и расипничко работење на енергетските компани со пари од џебот на граѓаните. Затоа ВМРО-ДПМНЕ најавува дека ќе побара надзорна расправа во Комисијата за финансирање и буџет во Собранието на Република Македонија за поскапување на цената на електричната енергија во услови на економска криза, рече Јанушев.

На ова надзорна расправа ВМРО-ДПМНЕ, како што најави генералниот секретар на ова партија ќе побара да се разгледа начинот на работа РКЕ, но и начинот на кој се носат овие штетни одлуки по стандардот на граѓаните.

– ВМРО-ДПМНЕ уште еднаш потсетува дека ова комисија не е самостоен, а уште помалку независен експертски орган туку е само реализатор на барањата на Заев. Првиот човек на комисијата Марко Бислимовски, е член на СДСМ, дел од партиското на раководство кој е сликан на партиски настани, во партиски простори, кој сега на јавноста и се покажува како независен експерт. Тоа е класична манипулација, која народот скапо ја чини, истакна Јанушев

Воедно од ВМРО-ДПМНЕ најавија дека ќе побарат оставка на РКЕ и поништување на одлуката за поскапување на одлуката за 7,4 проценти.

Би можело да ве интересира

(ВИДЕО) Мицкоски: Ако Заев го начне македонскиот идентитет, ќе се соочи со народот на чело со мене

Жарко Настоски

Делови од Студеничани, Чучер-Сандево и Чаир без струја

Ана Ололовска

МЕПСО: Прекините во напојувањето се поради неможноста да бидат ангажирани хидроелектраните

Катерина Павлова-Николовска

Половина Скопје без струја поради дефект во трафостаница на МЕПСО

Маја Илиевска-Пачемска

ВИДЕО: Демонстрантите во Гватемала го запалија Конгресот

Катерина Павлова-Николовска

Жестоки антирасистички протести во Бразил