ВМРО-ДПМНЕ смета дека Јани Макрадули не можеше да ја сокрие зависта поради тоа што Владата експресно го реши проблемот со Топлификација.
Во писмената реакција на ВМРО-ДПМНЕ се вели дека Јани Макрадули би бил најсреќен тој проблем да не бил разрешен, а граѓаните да останеле без затоплување.
„Оттука е јасно дека Јани Макрадули својот политички настап и кариера не ја гради врз нешто што самиот го постигнал и направил за доброто на граѓаните, зашто нема такво нешто, туку врз база на гола критика на работата на другите. Човекот не знае да работи, само знае да зборува“, истакнува ВМРО-ДПМНЕ.