СДСМ со обвинувањата за корупција се обидува да ја манипулира јавноста и преку лаги и невистини да креираат лажна слика за Република Македонија, се вели во реакцијата на ВМРО-ДПМНЕ на изјавата на Весна Бендевска.
Според владејачката партија, Бендевска за корупцијата во случајот Телеком, треба да има предвид дека во периодот за кој се говори, премиерот и претседателот на Република Македонија беа од редовите на СДСМ, а во Управниот одбор на Телекомот членуваа функционери од СДСМ.
– Корупциското работење беше белег на владеењето на СДСМ. Само да потсетиме дека според листата на Транспаренси интернешнл во 2006 на крајот на владеењето на СДСМ, Македонија беше рангирана на 105 место, а денес во време на Владите на ВМРО-ДПМНЕ се наоѓа на педесет места подобро рангирање. Ова е фактот кој СДСМ не може да го прифати, стои во пишаната реакција.