Дали навистина пука во владината коалиција, или се работи за сценарио на Груевски и Ахмети.
Како што објави порталот Охридскај , две недели пред Груевски да замине на одмор ВМРО-ДПМНЕ и ДУИ договарале операција, како што пишува за симулирање на судир меѓу коалициските партнери.
ДУИ и ВМРО ДПМНЕ, дознава порталот, овие разговори ги продолжиле на Халкидики, а оваа фингирана кавга со кревање на патриотските чувства била потребна поради рејтингот на Груевски и Ахмети.
Според порталот, биле формирани партиски тимови за да отпочнат екстремно националистички меѓусебен вокабулар , кој би довел до предвремени избори во ноември.
Ова, пишува, било за да се пресретне притисокот на ОБСЕ и изборите да се распишат пред имплементирање на нивните сугестии за фер и демократски избори, а пред се неопходното прочистување на избирачкиот список и притисокот за спроведување на пописот..
Како што велат извори на порталот, и Ахмети и Груевски , биле убедени дека СДСМ „ќе наседне“ на идејата за предвремени избори, без да понуди или да се обиде да формира „широка“ влада.
Охрид Скај дознава дека сепак нема ништо да се случи само заради тоа што , како што велат, ДУИ и ВМРО ДПМНЕ нема да добијаат зелено светло за избори ,а доколку ДУИ излезе од колаицијата, ЕУ дипломатите ќе вршат притисок за „широка влада“ , која на коалициските партнери воопшто не им одговара.