Дафина Стојаноска денеска во изјава за медиумите рече дека во изминатите 100 дена од доаѓањето на власт на СДСМ тие ветувале разни реформи и подобрување на услугите во здравството, но граѓаните од тоа не виделе ништо.
– Владата на СДС во првите недели направи реваншистичка смена на дирекорите во јавното здравство. Врвни доктори и професионалци ги заменија со лица со понизок квалитет и лица кои имаат криминално минато. Владата предводена од ВМРО-ДПМНЕ во своето владеење обезбеди над 1.700 апарати на најсовремена медицинска опрема се со цел да се помогне на граѓаните, а СДС не успеа да набави ниту еден нов медицински апарат или опрема. Цената на лековите неспособната влада на СДС не успеа да ја намали додека во времето на ВМРО-ДПМНЕ беше намалена цена на над 700 лекови. Ветувањето за покачување на платата на докторите за 100.000 денари, СДС не го реализира ниту за 1 денар, рече Стојаноска.
Таа додаде дека е укинат ургентниот интернистички центар при кампусот Мајка Тереза и дека се запрени и проектите за едукација што врвните странски експерти и лекари ја правеа во Македонија.
– Неспособноста на владата на СДС е се повеќе очигледна. Во нивното владеење се случи и најцрната недела во историјата на нашата држава. За една недела умреа 10-тина дечиња по разни болници, а за ова одговорност од СДС немаше. Загрижува и индоленстноста на владата во справување со појавата на смртност кај новороденчињата. Ова што го прави СДС на сопствениот народ и држава е рамно на цунами. Со локалните избори на 15-ти октомври почнува падот на оваа неспособна власт, заврши Стојаноска.
