ВМРО-ДПМНЕ ги достави потписите од Иницијативата за поништување на Законот за попис до Собранието

Од:

Пратеничката група на ВМРО-ДПМНЕ денеска до претседателот на Собранието ги достави потписите и записниците од Иницијативата за донесување на закон за поништување на Законот за попис.

-Апелираме и укажуваме до власта, да прекине со постапката за попис бидејќи секаде во Европа и во светот, пописите се одложени за 2022 година. Ја повикуваме власта да се одважи и да го одложи пописот за 2022 година, да направат забелешки во текстот на законот и да го подобри за да може да имаме онаков попис каков што е потребен за развој на државата, бидејќи сегашниот текст на законот за попис нема да донесе ништо што е различно од она што го имаме ние како државјанства во Република Македонија, истакна на прес-конференција Ѓорѓија Сајкоски, пратеник од опозициската партија.

ВМРО-ДПМНЕ, како што додаде, во повеќе наврати укажала дека имаме лош и штетен закон, што нема да ја прикаже реалната состојба на жители во Северна Македонија.

-Затоа, и преку Собранието поднесовме четириесетина суштински амандмани со кои што требаше да се подобри текстот на законот. За жал, беа сите амандмани одбиени, рече пратеникот Сајкоски

Опозициската партија, повтори тој, укажала дека лошо е да имаме врзан потпис затоа што прави сомнеж врз самиот процес на попишување.

-Укажавме дека никаде во светот нема попис на резидентно население, а да се попишуваат и нерезидентите односно граѓаните кои не живеат во Република Македонија, рече Сајкоски.

Тој рече дека не очекува опструкции за собирањето на десетте илјади потписи во рамки на Иницијативата за поништување на Законот за попис.

Би можело да ве интересира

Ѓорѓија Сајкоски ќе го води изборниот штаб на ВМРО-ДПМНЕ на локалните избори

Катерина Павлова-Николовска

Министерство за здравство: ВМРО-ДПМНЕ се потсмева со вакцинацијата на граѓаните

Катерина Павлова-Николовска

Костовски: Мицкоски се обиде да саботира полициска акција за да одбрани криминал

ВМРО-ДПМНЕ на нов протест пред Министерството за здравство: Имаме 4150 починати лица, тоа е како да го снема Крушево

Катерина Павлова-Николовска

СДСМ: ВМРО-ДПМНЕ е симбол за фалсификувани патни исправи, Мицкоски не отстапува одбрана на криминалот

ВМРО-ДПМНЕ: Заеви станаа и нарко картел, да одговорат дали е нивно комбето фатено со дрога од 800 илјади евра