„Единствена мерка што СДСМ ја спроведе за младите е нивното трајно иселување од Република Македонија.
Во 2019 година се иселиле над 10.000 млади лица од нашата држава, и тоа поради лошите политики на оваа власт.
Нема нови инвестиции, нема отворени нови работни места, но затоа има уништен образовен, спортски и културен систем во државата од страна на оваа криминална влада.
Младинската невработеност е највисока во Европа, додека долгорочната невработеност кај младите луѓе изнесува преку 80 % во одредени региони од државата“, реагираат од ВМРО-ДПМНЕ.
„Никој не ги принудуваше со сила Зоран Заев и неговите функционери од СДСМ да ветуваат на младите проекти кои што нема да ги исполнат.
Владата на СДСМ три години не може да ја заврши ветената реконструкција на Студентскиот Дом „Гоце Делчев“, која што беше започната од времето на ВМРО-ДПМНЕ.
Владата на СДСМ вети студентски град, но се уште нема трага од него.
Младинската гаранција ја нема што ја ветуваа пред избори. СДСМ не направи ништо за младите, а вети многу.
Младите ќе го казнат СДСМ на 12-ти април. Младите на 12-ти април ќе порачаат Зоран Заев никогаш повеќе. А, така ќе започне и обновата на Република Македонија“, се вели во реакцијата на ВМРО-ДПМНЕ на соопштението на СДСМ.