СДСМ се плаши од избори. Зоран Заев знае дека ќе ги изгуби парламентарните избори и сака да владее уште две години на штета на државата и граѓаните, реагираат од ВМРО-ДПМНЕ преку соопштение по изјава на премиерот Зоран Заев.
„Заев е свесен дека не ужива поддршка кај граѓаните кои се незадоволни од неговите антидржавни политики кои ја понижија државата на меѓународен план и придонесоа за колапс на економијата и затоа се плаши да излезе на избори.
ВМРО-ДПМНЕ ја уверува власта дека и покрај постоењето на техничка влада, реформските процеси кои се потребни за наша интеграција во ЕУ ќе бидат спроведувани и имплементирани, тоа не е и не може да биде изговор за власта. Штетите кои ги предизвика СДСМ врз државата се преголеми. Изборите ќе стават крај на една двегодишна апатија и тонење.
Време е СДСМ да се охрабри и да го стави државниот пред партискиот интерес“, стои во реакцијата на ВМРО-ДПМНЕ.
