За струшките вмровци недоаѓањето на Бранко Црвенковски на протестниот митинг на опозицијата во Струга, било доказ дека Црвенковски бил свесен дека немал подршка од стружани.
„Тие му свртија грб на Бранко Црвенкоски и неговите погубни политики. Тој тоа немаше привилегија да го види бидејќи иако најавен не беше присутен на протестот. На тој начин уште еднаш покажа колку му значи Струга, а посебно Стружани. За протестот да биде оправдан мораше да бидат донесени автобуси и комбиња од соседените општини Охрид и Дебарца. На тој протест имаше се, само не Стружани“.
Како свој повереник на негово место дојде пратеникот во оставка Игор Иваноски кој меѓу другото го кажа она што секој стружанец сакаше да со слушне а тоа е дека неговата партија ќе ја вратела Струга онаму каде што треба”.
Можеби на негово место подобро би било да дојдеше во Струга и да зборуваше Радмила Шеќеринска истата онаа особа кој во далечната 2004 година, за време на референдумот им порача на стружани јасно и гласно дека “Некои прашања не заслужуваат одговор”.
Стружани сега како никогаш досега бараат да бидат обединети,и нема да дозволат други да им ја кројат судбината нивна и на нивните деца. Стружани овој пат нема да бидат вовлечени во сценариото на Бранко Црвеноски кој за да ја зачува својата партиска фотеља како заложник ја става цела Македонија“, рекоа од ВМРО ДПМНЕ во Струга.