ВМРО-ДПМНЕ бара повлекување на Законот за попис

Од:

Пратеничката група на ВМРО-ДПМНЕ и коалицијата бараат веднаш да се повлече Законот за попис од собраниската дебата и да се организира внатрепартиска и внатре државна дебата на целата територија на Република Македонија – објави денеска на прес конференција пратеничката Дафина Стојаноска.

Спроведувањето на попис мора да се темели на постигнат консензус од сите политички чинители, сите општествени фактори, за да може да дојдеме до успешно спроведена статистичка операција во која што ќе имаат доверба сите граѓани на Република Македонија. По очигледната злоупотреба на европското знаменце, одбивањето на сите конструктивни амандмани на Пратеничката група на ВМРО-ДПМНЕ и коалицијата, власта продолжува со своето самоволие, нетранспарентност и арогантност да спроведува штетни решенија за државата и граѓаните.

Пратениците од ВМРО-ДПМНЕ повикуваат на масовна мобилизација за собирање потписи за иницијатива за предлог закон кој што ќе биде доставен во Собранието и за поништување на овој закон кој што по насилен пат, планира парламентарното мнозинство да го донесе.

„Република Македонија треба да спроведе попис кој што ќе ги содржи препораките на Евростат и регулативите на Европскиот парламент како и препораките и стандардите на Обединетите нации и затоа како земја која што треба да започне преговори со Европската Унија не смееме да си дозволиме експерименти кои што очигледно се само коалициски пазарења. Граѓаните уште сега кога не е донесен ниту законот за попис немаат доверба во оваа операција и затоа ние како пратеници имаме должност и обврска да направиме се за овој процес да запре и да започне одново и консензуално да покажеме дека сепак за битни прашања знаеме и можеме да носиме исправни одлуки“ – рече Стојановска.

Би можело да ве интересира

Преку апликацијата за самопопишување досега евидентирани над 11 илјади лица

Пратениците дискутираат за дополнувањата на Законот за финасирање на единиците на локалната самоуправа

Ана Ололовска

Бугарска компанија ја изработила страницата за попис на иселениците, од Заводот молчат како ја избрале и колку платиле

Кристијан Ландов

Митрески: Мнозинството денеска е тука, си ги завршуваме работите онака како што се по хронолошки редослед

Ана Ололовска

ВИДЕО: Наместо само иселениците, секој може да се попишува, Симовски обвинува за упад во системот

Кристијан Ландов

По речиси еден месец закажани продолженија на четири собраниски седници

Ана Ололовска