– Состојбата и оставањето на Кочани на милост и немилост пред пламените јазици покажа дека државата, системот, заштитата, кризниот менаџмент не само што потфрли, туку се покажа дека не постои. Состојбата покажа дека нема ниту протокол, дека нема ништо. Состојбата во Кочани покажа дека сиот систем за заштита е пеплосан од режимот на Зоран Заев, рече на прес конференција портпаролот на ВМРО-ДПМНЕ, Наум Стоилковски.
„Има документ со потпис на Стојанче Ангелов, директно одговорен за колапсот пред огнената стихија, според кој за ЦУК прави измена на годишниот план за јавни набавки за 2021 година, измена и дополна на трошоците за над еден милион денари за мобилна телефонија. Датумот на овој документ е 24 февруари оваа година вели услуги од мобилна телефонија февруари. Според некои документи само годинава вакви измени се правени во износ од над 13 милиони денари. Над 210.000 евра, изнесува менувањето на трошковникот на ЦУК, измени со потпис на Стојанче Ангелов. Тоа е половина од потребното за сервисирање на канадерите“ – рече Стоилковски.