„Влен“: ДУИ веќе една недела молчат за случајот со Иџет Мемети и Наќе Георгиев

Од:

Повиците на ДУИ за ветинг се само манипулација за да создадат илузија на транспарентност, истакна на денешната прес-конференција портпаролот на Коалицијата „Влен“, Фари Хисени.

-Кога ДУИ зборува за пријавување на криминалите во обвинителството, секогаш се потпира на своите луѓе инсталирани во системот. ДУИ и нејзините сателити, како партија со луѓе на американската црна листа, треба да се реформира за да се ослободи системот од криминалните кланови и конечно граѓаните да добијат заслужена правда, рече тој.

Хисени потенцира дека ДУИ веќе една недела молчат за случајот со Иџет Мемети и Наќе Георгиев, нивни кадри кои, како што рече, се фатени на дело со корупција и соработка.

-Овој случај јасно покажува како функционира октоподот на криминалот и корупцијата во оваа држава. Прво се негираат обвинувањата, а потоа, кога не можат да ги сокријат доказите, тука е „абазиското“ обвинителство за да ги среди работите. Во овој контекст, му упатуваме јавно прашање на обвинителот Ислам Абази: Дали треба да има олеснителни околности за лица кои требало да ја спроведат правдата? Иџет Мемети, кој имал важни позиции за време на 22-годишниот режим на ДУИ и Наќе Георгиев, судија на Врховен суд, се персонификација на октоподот на криминалот и корупцијата во судството. Како коалиција, со право поставуваме јавни прашања: 1.Колку други случаи ДУИ организирале со овие два лица кои сега се познати за нас?, праша портпаролот на „Влен“.

Хисени нагласи дека „Влен“ секогаш ќе се ангажира за праведен и некорумпиран систем. Посочи дека тие ќе продолжат да работат за да осигурат дека правдата ќе биде воспоставена и оти секоја злоупотреба ќе се третира сериозно.

Би можело да ве интересира

ДУИ: Мицкоски е политичар кој ја има изградено својата кариера врз омраза, исклучивост и национализам

Горан Наумовски

Влен: Нема да молчиме пред клеветите, тука сме да ја изнесеме вистината на виделина

ДУИ: Прво Коридорот 8 го прогласија за закана по националниот идентитет, а сега се фалат со него

Влен: ДУИ е разочарана, пропадна планот да го поништат Законот за јазиците

Горан Наумовски

ДУИ: Нашиот глас ќе се слушне, Охридскиот договор нема да се погази

Влен: Започнува изградбата на новиот автопат Тетово-Гостивар, стратешка инвестиција во служба на граѓаните