Владата набавува прочистувачи за воздух за 34 илјади евра

Од:

Додека државата се соочува со екстремна загаденост на воздухот, а само врнежите ја симнуваат Македонија подолу на листата на најзагадени градови во светот, Владата набавува прочистувачи за воздух за да ги штити јавните објекти од загаденоста.

На Бирото за јавни набавки објавен е оглас со кое Владата набавува 190 прочистувачи за јавни објекти за околу 34 илјади евра, што значи дека еден прочистувач ќе чини околу 180 евра.

Во огласот се бара прочистувачите да бидат и со филтер со активен јаглен, светлосен сензор, минимум три брзини на работа, панел на допир и гаранција од минимум две години. Понудите за прочистувачи фирмите треба да ги достават најдоцна до 15 ноември.

Во огласот не е наведено за кои „јавни објекти“ станува збор, односно дали се за градинки, училишта, други институции или за по некој министерски кабинет и просториите во Владата.

Алијансата за Албанците минатата недела излезе со критики за распишувањето на огласи за јавни набавки во Владата за апарати за прочистување на воздухот во просториите на јавните институции. Според нив, власта предност му дава на здравјето на функционерите, наместо парите да се наменат за спроведување на долгорочни мерки против загадениот воздух.

Минатата година, Министерството за животна средина – институцијата која е најодговорна за справување со проблемот на загадувањети, набави прочистувачи за воздух за 150 илјади евра и се обврза истите да ги  испорача по градинки, специјални болници и институти.

Би можело да ве интересира

Груби-Абазовиќ: Членството во НАТО и аспирациите за ЕУ-интеграција влог кон стабилноста и развојот на регионот

Ана Ололовска

ЕЕЗ: Договорот меѓу Макпетрол и Владата на Северна Македонија се ближи до целосна реализација

Жарко Настоски

Разрешен првиот човек на Царина Танасоски, на негово место доаѓа Горан Сугарески

Жарко Настоски

Владата ја усвои Програмата за задолжителна имунизација на населението во 2021 година

Жарко Настоски

„Пејпер Мил“ и натаму загадува, доби наредба да работи на плин

Владата прифати измени и дополнувања на Законот за акцизи, за укинување на Уредбата донесена за време на вонредна состојба

Жарко Настоски