Во следните три години, Владата ќе плати околу десет милиони евра повеќе за сајбер безбедност на институциите.
Компанијата „Аитоникс“ која и досега имаше договор со Владата и во следните три години ќе ги обезбедува лиценците за софтверот на институциите, но овој пат цената ќе биде повисока.
Генералниот секретеријат на Владата склучи договор за софтверски лиценци со друштвото за производство, трговија и услуги, „Аитоникс“ од Скопје. Истиот е објавен во системот за јавни набавки и е со вредност од 24,7 милиони евра со вклучен ДДВ односно 1.520.343.083 денари.
Овој пат најниската понуда не била релевантна при одлучувањето на тендерот иако била главен критериум. Најниската понуда изнесувала 21.191.062 евра, а највисоката 26.538.958 евра.
Според податоците од системот за јавни набавки, на тендерот учествувале уште две компании „Комтрејд“ од Скопје и „Телелинк бизнис сервис“ исто така од Скопје.
Претходно Владата имаше договор со истата компанија со вредност од 15 милиони евра.