Премиерот Зоран Заев најави одземање на надлежностите на Општина Охрид, доколку градоналаникот Константин Георгиевски не постапува и не ги урне дивоградбите на Усеини, но и останатите 1076 кои се евидентирани во регистарот на дивоградби.
„Дивограбите треба да се срушат, екстра причина е УНЕСКО. Разговорав со градоначалникот на Охрид, треба да се постапи по закон. Ако не се постапи најавувам оземање на надлежностите, како што сум најавил за Мерко. Апелирам до сите граѓани , па и до Нефи да си ги отстранат дивограбните, затоа што грашаните реагираат и заради УНЕСКО. Ако не постапи локалната власт, многу брзо извршната власт ќе покаже што значи владеење на правото“, рече Заев.
Инаку, Нефи Усеини е советник во Општината Охрид, а истовремено и сопственик на две дивоградби во Охрид. Пицеријата кај Чинарот и бетонската база на стариот пат Охрид-Струга се изградени без никаква документација од надлежните органи. Објектот кај Чинарот освен што нема одобрение за градба, истиот е изграден на државно земјиште.