Владата му ја прифати оставката на директорот на Фондот за здравствено осигурување, Ден Дончев, за која како што велат, била поднесена од приватни и семејни причини. Дончев не сакаше да каже кои се точните приватни причини, но кажа дека е поврзано и со здравствена состојбата на негов член на семејството.
„На денешната 49-та седница, Владата ја прифати оставката на Даниел Дончев од позицијата директор на Фондот за здравствено осигурување на Република Северна Македонија, поради приватни и семејни причини, како што е наведено во текстот на оставката“, информираа од Владата.
Дончев претходно кажа дека оставката сакал да ја поднесе и порано. Тој е именуван за директор на ФЗО во август 2017 година. Претходно беше носител на листа во првата изборна единица од коалицијата „ВМРО за Македонија“. Дел од неговата биографија е и дека бил генерален секретар на ВМРО-ДПМНЕ, но и поранешен директор на „Телеком“.