Владата ги усвои плановите за физичка настава, учениците на 1 септември влегуваат во училиштата

Од:

Владата на денешната 83-та седница ги прифати одделните планови за одржување на наставата во основното и средното образование, согласно одлуките на Министерството за образование и наука (МОН) со повторно отворање на училиштата во учебната 2021/2022 година.

Како што соопшти владината Прес-служба, оваа одлука на Владата го зема предвид укажувањето на МОН дека училиштето е од суштинско значење за образованието и благосостојбата на децата и учениците и дека одлуката за повторно отворање на училиштата се направи по претходна општа проценка на ризиците.

Притоа земени се предвид епидемиолошките фактори, степенот на вакцинација на наставниот кадар, образовниот систем, здравствениот систем и капацитетот на јавното здравство, ангажманот на заедницата и државниот капацитет за одржување на социјална и економска поддршка на најранливите.

– Плановите на Министерството за образование и наука (МОН) за започнување на учебната 2021/2022 година се базираат на потребата да се добијат максимални придобивки за учениците, наставниците и вработените во училиштата и пошироката заедница, а воедно да не дојде до повторно ширење на КОВИД-19 во нашата држава, имајќи предвид дека едно од основните човекови права покрај образованието е и правото на здравје, стои во соопштението.

Плановите ги објаснуваат чекорите кои треба да ги преземат основните и средните училишта за да ги обезбедат потребните мерки за заштита и со тоа да го намалат ризикот од ширење на корона вирусот, кои се сообразени со Протоколите за постапување на основните и на средните училишта за реализација на воспитно-образовниот процес со физичко присуство на учениците во учебната 2021/2022 година.

Би можело да ве интересира

Влада: Пописот трае до 30 септември и никој нема да биде пропуштен или изоставен од овој процес

А1он

Димитров: Односот со Бугарија се измести откако таа го прекрши Договорот за добрососедство

Ана Ололовска

Истрагите за модуларните болници не ги води Владата, туку задолжените институции на системот, порача Николовски

А1он

Моделот на настава засега нема да се менува

Катерина Павлова-Николовска

Царовска: Брзи тестови во училиштата не се препорачани од Комисијата за заразни болести

Катерина Павлова-Николовска

Владата ги усвои Предлог-измените на Законот за финансирање на општините

А1он