Владата на Република Македонија ги изразува своето незадоволство и протест до Државната изборна комисија заради бавноста и недоволната посветеност во процесот на прочистување на Избирачкиот список.
Незадоволството Владата го изразува во денешното соопштение по одржаната седница на која го разгледа степенот на прогрес во реализацијата на целите и активностите утврдени во Патоказот за реализација на приоритетните цели за 2012 година, усвоени во рамки на Пристапниот дијалог на високо ниво помеѓу Република Македонија и Европската Унија.
Во делот на исполнување на обврските од сферата на реформа на изборното законодавство, Владата увиде дека Државната изборна комисија ненавремено ги реализира преземените и ветени за исполнување обврски и активности кои се во нејзина надлежност, а кои се однесуваат на прочистувањето на Избирачкиот список, односно не се придржува кон роковите предвидени во Патоказот.
– Владата смета дека кон едно вакво значајно прашање Државната изборна комисија треба да се однесува поодговорно, со зголемено внимание и со силна динамика и интензитет во постапувањето, ефикасно и ефективно, се посочува во соопштението.
Во оваа насока, Владата упатува апел до претседателот на Државната изборна комисија, Борис Кондарко, за забрзување на активностите и постапувањата во однос на прочистување на Избирачкиот список.
3 comments
Eh Kondarko, Kondarko sedna vo fotelja i zaspa i dobro e sto vaka te zae…vaat.
Хаха, па што се загрижи владава за избирачкиот список? Прво викаа предвремени избори во декември да има, па по огромниот митинг на опозицијата се предомислија, и сега одеднадеш ним им текна за избирачкиот список! Кажете еднаш што сакате, ИЗБОРИ или се плашите од избори!
Ееееххх, од АЈДУЧАНА политичари не бива.. !
Без разлика на каква позиција и да биди поставен комуњар си е комуњар научен на „лежи лебу да те јадам“ и „нишај врата земај плата“ не барајте работа од нив