Агенцијата за медиуми предлага да биде биде отворена постапка за одземање на дозволата за телевизиско емитување на регионалната телевизија „Телеканал А1“ од Струмица. Според образлоежнието, телевизијата неколкпати го прекршила Правилникот за минимални технички, просторни, финансиски и кадровски услови за добивање дозвола за радио и телевизиско емитување. Како што пишува во писмениот извештај, анонимно лице до Агенцијата за медиуми пријавило дека телевизијата не ги исполнува минималните кадровски услови за да ја задржи дозволата за работа.
Агенцијата двапати барала од радиодифузерот да достави писмена документација, но оттаму не било одговорено, поради што ААВМУ предлага да биде отворена постапка за да ѝ биде одземена дозволата за емитување. „Телеканал А1“ се емитува на фреквенцијата на поранешната валандовска телевизија „ВТВ“ откако во мај 2013 година поранешниот сопственик Димче Балески ја продаде на фирмата „Емперијан визион“ ДООЕЛ од Скопје.
Според податоците на платформата „МедиаПедиа“, сопственик на „Телеканал А1“ е Емил Парнаџиски, вработен во компјутерскиот оддел на „МЕПСО“, државната компанија за пренос на електрична енергија. Тој го поседува и „ТВ Канал Три“ од Дебар.
Според податоците на платформата, Парнаџиски, двете тогашни локални телевизии ги купил за сума од 35.000 евра. „МедиаПедиа“ објави дека само во еден ден, тројца скопски бизнисмени, меѓу кои и Парнаџиски. купиле шест регионални телевизии, меѓу кои и „Телеканал А1“, во кои нагло почнаа да се појавуваат владини реклами.
В.Маглешов