Вишото обвинителство смета дека Зеќири ќе избега и влијае на сведоци ако биде ослободен од притвор

Од:

Вишото јавно обвинителство смета дека гаранција на Мухамед Зеќири од 280 илјади евра не е доволна за да гарантира дека нема да избега и да влијае на сведоци. Ова за „А1он“ го потврдија од Вишото јавно обвинителство. По два дена размислување, ова мислење го дале на Кривичниот суд, каде судија на претходна постапка ќе треба да ја донесе конечната одлука.

dobivaj vesti na viber

„Дадено е негативно мислење“, велат од Вишото јавно обвинителство-Скопје.

Притворот на Зеќири е продолжен од кривичниот совет, кој смета дека само оваа најстрога мерка за обезбедување присуство ќе биде ефикасна за тој да не избега и не влијае на сведоци. На оваа одлука е вложена жалба. Судијата на претходна постапка е третиот кој може Зеќири по месец и половина да го извади од затворот „Скопје“ во Шуто Оризари.

Адвокатот Александар Трајковски, кој го застапува Зеќири, претходно кажа дека понудената гаранција од ексгенералниот секретар е составена од недвижен имот. Тој образложи дека мерката ефективен притвор не треба да опстојува, бидејќи нема основ.

Мухамед Зеќири е осомничен за злоупотреба на службената положба и овластување. Според обвинителството, без спроведување на соодветна постапка за јавна набавка, склучил договор за консултантски услуги со правно лице во што со умисла му помогнале осомничените хрватски државјани.

„Со преземените дејствија осомничените за правното лице прибавиле значителна противправна имотна корист во вкупна вредност од 57.932.100,00 денари, а на штета на Буџетот на Р.Северна Македонија. Износ што бил поголем од 795.000 евра, односно од договорениот износ за вршење на консултантските услуги“, пишуваше во соопштението на ОЈО за гонење организиран криминал и корупција.

Дента кога му беше одреден притвор, Зеќири даде оставка и од позицијата генерален секретар на Владата.

Би можело да ве интересира

Судот ниту со гаранција во имот не го пушта Зеќири од притвор, доби нови 30 дена

Зеќири негира вина, обвинителката бара да остане во притвор

Кристијан Ландов

Мухамед Зеќири останува во притвор

А1он

Арсовски: Нема матна или коруптивна зделка каде што не се вмешани луѓе од врвот на СДСМ

Катерина Павлова-Николовска

(ВИДЕО) Мухамед Зеќири спроведен во затворот во Шутка, судот му одреди притвор

Кристијан Ландов

(ВИДЕО) Обвинителката очекува Зеќири да оди во притвор, не кажа каде се парите

Кристијан Ландов