Во изборната програма на кандидатот за градоначалник на општина Центар од „Сојузот за иднината“, Андреј Жерновски, посебено место ќе имаат младите, нивната безбедност, образование и исхрана.
„Она што го ветувам е изградба на ново училиште и градинка во Капиштец. Недозволиво е населба со 10.000 жители да нема основно училиште. Берово со 9.000 жители има 4 основни училишта ВМРО-ДПМНЕ во општина Центар на власт е 13 години.Во изборната програма ветија училиште, а дури сега пред избори навеле дека ќе градат . Колкава е несериозноста на актуелниот градоначалник се гледа од податокот дека за првата година од оваа инвестиција предвидел, таа да изнесува само 5%“, рече Жерновски.
Тодоровиќ, потсети Жерновски, вети во програмата и градинка, но ни тоа не се случи. Поразителен е фактот, потенцираше, што во цела Македонија за 20 години има само една градинка.
„Ние во април месец ќе почнеме со изградба на градинка во општина Центар“; вети кандидатот за градоначлник на Центар, Андреј Жерновски.
Јани Макрадули, кандидатот за градоначалник на Скопје, како родител и иден градоначалник се обврза во сите општини каде ќе има иницијатива од градоначалниците и кои ќе покријат 50% од трошоците за изградба на градинки, општина центар да финансира уште 50%.
„Ние како градоначалници ќе вложуваме во иднината на нашите деца во Скопје“, рече Макрадули.