(ВИДЕО) Зеќири: Три месеци нема биолошката терапија за онколошките пациенти

Од:

Втор пат за три месеци нема биолошката терапија за онколошките пациенти, која за нив – живот значи. Иако директорот на Фондот за здравство, Клековски, ветуваше дека никогаш повеќе нема да недостига терапија. Пациентите чии животи зависат од секоја доза, од секој ден, повторно се жртви на неспособноста и рамнодушноста на власта. Веќе еден месец ја нема биолошката терапија за рак на дојка, меланом и карцином на бели дробови, изјави Белкиса Зеќири, членка на ИО на СДСМ.

– Ова е втор пат за три месеци да снема животозачувувачка терапија. Нема ниту терапија, ниту одговорност, ниту решение. Само изговори – административни процедури, тендерски планови, „ќе биде“. Никој ништо не спомнува за одговорност, ниту пак за системско решение. Зошто тендерот не е распишан навреме, ако уште од февруари се знаело дека ќе недостига терапија?

Пациентите на Онкологија немаат време, тие бараат решение а не изговори. За хаосот на Онкологија мора да има одговорност, човечки животи се во прашање. Здравството е на колена, пациентите страдаат секој ден. Владата на ДПМНЕ го претвори здравството во болен, нефункционален систем каде што пациентите страдаат, а институциите молчат. Бараме оставка од директорите на Клиниката за онкологија и директорот на Фондот за здравствено осигурување, Сашо Клековски. Итно обезбедување на потребната терапија. Без калкулации, без повторно „ќе биде“. Граѓаните заслужуваат здравствен систем кој спасува животи, а не влада која со својата неспособност ги загрозува, рече Зеќири.

Би можело да ве интересира

Филипче: Од луѓето слушнав дека тешко се живее, цените растат секој месец, сметките стануваат неподносливи

Кривичниот суд одреди домашен притвор за Нино Васев и Нехат Нухи двајцата обвинети во аферата „Онкологија“,

Горан Наумовски

Oнкологија апелира на смиреност и доверба: Воведени се драстични промени во работата

Обвинителството бара притвор за двајцата поранешни директори на Онкологија

Филипче: Дали се однапред договорени фирмите блиски до власта кои ќе работат на проектите од заемот?

ВМРО-ДПМНЕ: Филипче и СДС не сакаат Македонија да се развива